ഇ പി ജയരാജൻ

1995ൽ കോടിയേരി ബാലകൃഷ്ണൻ സംസ്ഥാന സെക്രട്ടറിയായതിനെ തുടർന്ന് ജില്ലാ സെക്രട്ടറിയായി. 1998ലെ കണ്ണൂർ, 2001ലെ ഇരിട്ടി സമ്മേളനങ്ങളിലും സെക്രട്ടറിയായി തെരഞ്ഞെടുത്തു. സംഘപരിവാരത്തിന്റെയും കോൺഗ്രസിന്റെയും തുടർച്ചയായ കടന്നാക്രമണങ്ങളിൽനിന്ന് പാർടിയെ രക്ഷിക്കാൻ ധീരോദാത്ത നേതൃത്വം. '95ൽ പാർടി ചണ്ഡീഗഡ് കോൺഗ്രസിൽ പങ്കെടുത്ത് ട്രെയിനിൽ മടങ്ങുന്നതിനിടെ രാഷ്ടീയ എതിരാളികൾ നിയോഗിച്ച ക്രിമിനൽസംഘം വധിക്കാൻ ശ്രമിച്ചു. നീണ്ടകാലത്തെ ചികിത്സയിലൂടെ അത്ഭുതകരമായി വീണ്ടും ജീവിതത്തിലേക്ക്. നിലവിൽ കേന്ദ്ര കമ്മിറ്റി അംഗവും മട്ടന്നൂർ എംഎൽഎയും. നേരത്തെ ഒരു തവണ അഴീക്കോട് മണ്ഡലത്തെയും നിയമസഭയിൽ പ്രതിനിധീകരിച്ചിട്ടുണ്ട്.