എ വി കുഞ്ഞമ്പു

1964ൽ സിപിഐ എം രൂപംകൊണ്ടശേഷമുള്ള ആദ്യജില്ലാ സെക്രട്ടറി. കരിവെള്ളൂർ സമരനായകനും കേരളത്തിൽ കമ്യൂണിസ്റ്റ് പ്രസ്ഥാനം കെട്ടിപ്പടുത്ത ആദ്യപഥികരിൽ പ്രമുഖനും. '64ൽ സിപിഐ ദേശീയകൗൺസിലിൽനിന്ന് ഇറങ്ങിവന്ന് സിപിഐ എം രൂപീകരിക്കാൻ നേതൃത്വം നൽകിയ 32 വിപ്ലവകാരികളിൽ ഒരാൾ. കേരളനിയമസഭാംഗവും രാജ്യസഭാംഗവുമായിട്ടുണ്ട്. 1967ൽ സംസ്ഥാന സെക്രട്ടറിയറ്റിലേക്ക് തെരഞ്ഞെടുക്കപ്പെട്ടതിനെ തുടർന്ന് ജില്ലാ സെക്രട്ടറിസ്ഥാനമൊഴിഞ്ഞു. 1980 ജൂൺ എട്ടിന് അന്തരിച്ചു.