എം വി രാഘവൻ

1967 ഡിസംബറിൽ പെരളശേരിയിൽ നടന്ന ജില്ലാ പ്ലീനത്തിൽ ജില്ലാ സെക്രട്ടറി സ്ഥാനത്തേക്കു തെരഞ്ഞെടുക്കപ്പെട്ടു. 1971ൽ കണ്ണൂരിൽ നടന്ന സമ്മേളനത്തിൽ വീണ്ടും സെക്രട്ടറി. കണ്ണൂർ ജില്ലയിൽ സിപിഐ എമ്മിനെ അജയ്യശക്തിയാക്കി വളർത്തിയെടുക്കുന്നതിൽ സുപ്രധാനപങ്കുവഹിച്ചു. അടിയന്തരാവസ്ഥയുടെ ഭീകരനാളുകളിൽ ഒളിവിൽ കഴിഞ്ഞ് പാർടിയെ നയിച്ചു. പിന്നീട് സംസ്ഥാന സെക്രട്ടറിയറ്റിലേക്ക് തെരഞ്ഞെടുക്കപ്പെട്ടു. പാർടി നിയമസഭാകക്ഷി സെക്രട്ടറിയുമായിരുന്നു. 1986ൽ ബദൽരേഖാപ്രശ്‌നത്തിൽ പാർടിയിൽനിന്ന് പുറത്തായി. തുടർന്ന് സിഎംപി രൂപീകരിച്ച് വലതുപക്ഷത്ത് നിലയുറപ്പിച്ചു. ദീർഘകാലം നിയമസഭാംഗം. രണ്ടുതവണ സംസ്ഥാനമന്ത്രിസഭയിലും അംഗമായിട്ടുണ്ട്. 2014 നവംബർ ഒമ്പതിന് അന്തരിച്ചു.