യാത്രാവകാശ സംരക്ഷണപോരാട്ടത്തിനിടയിലാണ് സ. കെ സി രാജേഷ് രക്തസാക്ഷിയാകുന്നത്. കണ്ണൂര് പോളി ടെക്നിക് യൂണിയന് ചെയര്മാനും, എസ്എഫ്ഐ ഏടക്കാട് ഏരിയാകമ്മിറ്റി അംഗവുമായിരുന്നു രാജേഷ്. 1993 ഡിസംബര് 17 ന് കാലത്ത് സഹപാടിയുടെ പരാതിയെത്തുടര്ന്ന് രാജേഷും മറ്റ് വിദ്യാര്ത്ഥികളും ചേര്ന്ന് എല് കെ ട്രാവല്സ് എന്ന ബസ്സ് തടഞ്ഞ് ജീവനക്കാരുമായി സംസാരിക്കുമ്പോഴാണ് ഡ്രൈവര് രാജേഷിനെ തട്ടിത്തെറിപ്പിച്ച് ബസ്സ് മുന്നോട്ടെടുത്തത്. തലക്ക് പരിക്കേറ്റ സഖാവ് ആശുപത്രിയിലേക്ക് കൊണ്ടുപോകും വഴിയാണ് മരിച്ചത്.